Дар доираи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии табақаҳои ниёзманди аҳолӣ, давоми 9 моҳи соли равон аз ҷониби озмоишгоҳҳои Муассисаи давлатии “Озмоишгоҳи миллии референсӣ”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба 1583 нафар шахсони ниёзманд ташхисҳои ройгон гузаронида шуд.
Махсусан, дар ин давра аз тарафи муассиса ба 983 нафар маъюбон ба маблағи 47702 сомонӣ, ба 447 нафар шаҳрвандони камбизоат ба маблағи 23623 сомонӣ, ба 144 нафар дигар гурӯҳи осебпазирӣ ҷомеа ба маблағи 11974 сомонӣ, ба 9 нафар шаҳрванд дар асоси мактуби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба маблағи 2173 сомонӣ ва дар умум ба 1583 нафар гурӯҳҳои осебпазири ҷомеа ба маблағи 85472 сомонӣ ба тариқи ройгон 8096 ташхисҳои озмоишгоҳӣ гузаронида шудааст.
Ҳамзамон, дар ин давра тибқи супориш дар асоси фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз 12.01.2023 сол, №11 ба бошандагони Муассисаи давлатии “Маркази миллии тавонбахшии кӯдакони маъюб “Чорбоғ” дар ноҳияи Варзоб” 183 ташхиси умумии хун, 147 ташхиси умумии пешоб, 53 ташхиси умумии фазла ба маблағи 9258 сомонӣ ба тариқи ройгон гузаронида шудааст.